Урок 16

Тэма: Па якіх законах жылі нашы продкі

Мэты ўрока (для настаўніка)

·      вучні змогуць патлумачыць паняцце “закон”;

·      змогуць перадічыць,якія існуюць віды законаў;

·      будуць ведаць, па якіх законах жылі нашы продкі;

·      змогуць распавесці пра аднаго са складальнікаў СтатутаВКЛ – Льва Сапегу;

·      стварыць умовы для развіцця крытычнага мыслення.

Мэты ўрока на мове вучняў

Вы зможаце:

·       растлумачыць значэнне слова “закон” і навошта існуюць законы і правілы;

·       адрозніваць розныя віды законаў – законы прыроды, няпісаныя законы маралі і этыкету, законы дзяржавы;

·       расказаць аб тым, па якіх законах жылі нашы продкі;

·       расказаць пра зборнік законаў “Статут ВКЛ” і пра аднаго з яго складальнікаў – Льва Сапегу;

·       адказаць, адкуль бяруцца сучасныя законы, як называліся заканадаўчыя органы раней і цяпер.

Крытэрыі ацэнкі:

вучні змогуць:

·       растлумачыць, што такое закон;

·       вызначыць, чым адрозніваюцца паміж сабой законы прыроды, няпісаныя законы маралі і этыкету і дзяржаўныя законы;

·       расказаць аб тым, па якіх законах жылі нашы продкі;

·       расказаць пра першы агульны зборнік законаў ВКЛ і выдатнага дзяржаўнага дзеяча ВКЛ Льва Сапегу.

·       адказаць, адкуль бяруцца сучасныя законы і адкуль яны браліся раней.

Ключавое пытанне

·      Чым старажытныя законы  адрозніваліся ад сучасных?

Абсталяванне, метадычнае забеспячэнне:

·       абсталяванне, неабходнае для дэманстрацыі відэароліка;

·       відэаролік “Па якіх законах жылі нашы продкі”;

·       стужка часу;

·       карткі для праверкі дамашняга задання (Дадатак 1);

·       карткі з некалькімі азначэннямі паняцця “закон” (Дадатак 2);

·       разразныя карткі з выявамі Яраслава Мудрага і Льва Сапегі і датамі выдання зборнікаў законаў (Дадатак 3);